Rasa Ncera

Rasa ro dana Ncera mai taka taho ncore,  ro aina kancure
Kataho rasa ede, ramai na tu ade ba weki ndai sa’udu
Ra mai raso tu weki sarasa sampe taho niki risu
Kataho kai ilmu ro iman rasa ndai di jamin aman

Dou ma tua ro ma to’i, mai tampu’u cua to’a
Tampu’u  ulu kai ngahi Islam,  rasa ndai pasti  gaga taho lao na
Agama Islam ede ndi kalu’u tu ade, ba weki ndai sa’udu ntika ndi eda
Eli kai ade, renta kai rera, karawi ku ba weki, surga  ku mori ro woko

Ndai  sa rasa,  maita cua mbolo rasul  niki risu
Mbolo ro dampa ndi kade’e dampi ro kanggege dempa
Dou ma tua ulu, ndi kade’e wea elina bune taroa ilo
Gaga ku rombo ro ntiri, bune kalea ro kantero ntara

Ndai ma muda ro mudi aina cua doho midi
Mai taka nceri ro kancore, kataho rasa ro dana Ncera
Ncuri ro dampa se rasa ndai ede, gaga ku mori sama dampi
Dou matua ndi horma tio, weki mato’i mai ta bangkit to’a


Yogyakarta, 28 Desember 2014
Karya: Ismail, S.H.I.